Sab likh chuka hai...ab maze le raha hai... PIMPLE.. Andhera.. My first website.....
Contents:
Sab likh chuka hai...ab maze le raha hai. Kya maangu usse, Aur kya mila raha hai. Jaisa chaaha, kya wo ho raha hai. Sawaalon mein bunta chala jaa raha hu. Sochta hu zyaada, ye kya ho raha hai. Wo dega kya ab bhi, jo maangunga usse. Ya wo sab Likh chuka hai, aur maza le raha hai.
Kya mein uska likha badal paunga. Ya ab bhi khushi se use kehta jaunga. Ki kar de murad, ek baar to poori. Jo likha hai uspe nazar daal thodi. Kya jo ho raha hai, sahi ho rahai Ya tu sab likh chuka hai, ab maze le raha hai.
Tu jaane kya hoga mere aage- peeche. Fir tujhse maange ki wajah aaj kya hai. Kyu maangu, kyu jodu mein haath apne. Jab mera kya hoga tu tay ( confirm) kar chuka hai Kya meri awaaz kuch badal bhi sakegi. Kya jude haath dekh teri kalam uthegi. Mein nahi jaanta kya hona hai mera. Par tu jaankar bhi, maze le raha hai.
Sab seedha chalkar bhi tedha ho jaata. Teri haath kabhi saath chodh jaata. Jo palatkar dekhu to sadak dikhe khaali. Aur saamne dekhu, to yaad aae jal ki pyaali. Peeche to chalna nahi , aage bahut hu. Par aage chalu to, kya to nazar rakh raha hai.
Dil se maangu to sab kuch milega. Haath jodunga to kya to likha badal sakega. Jo tune likha hai, kabhi galat bhi hua hai.? Ya likhne ke baad to ab hans raha hai.
Maanu ya na maanu kabhi sochta hu. Par kisi par to mein ab yakeen kar chuka hu. Wo yakeen tu hai, ya mein khud ban gaya hu. Par tere likhe ka deewana ho chala hu. Ab tu likh chuka hai, kirdar mein bana hu Par kahani ke panne kya sahi padh raha hu?
Kya koi kahin mujh par hans raha hai. Ya kaun hai kirdar, us par ro raha hai. Kahani ke panne ab kitne hain baanki. Ye mujhko nahi sirf tujhko pata hai.
Tu sab likh chuka hai, ab maze le raha hai.
PIMPLE Komal kaaya par nazar vaar, ya ye koi hai pretchaal. Bhor bhai sab tha mangal, ye pimple ne kar diya dangal.
Date. Dupahri. Office. Kaaj. Galat na khaya kabhi anaaj. Kyu baithkar vichlit karte ho pimple. samjhe ho tum baap raaj.
Hey pimple tum ho atikroor. Pal mein karte ho ghamand choor. Mujhe naa dekho tum ghoor ghoor. Tum par chadhe ye kaisa suroor.
Marzi aawat, marzi jaawat. Samay samay par naach nachawat. Dawa daaru cream ho ya powder, Sab par marzi tum ho chalawat.
Na pakki jagah na pakka samay. Aaj aaoge ya kal, rehta sada ye bhay (darr) Ko cheez hai jisse prasanna karu. Geet gau ya pooja karoon.
Sheeshe par jab khud ko dekhu, Pehle tum kyu dikhte ho. Kya upar waale ki dukaan mein. Thok ke bhav tum bikte ho.
Mere chehre ki raunak par, jaise karta ho koi bak bak. Dekhne par jise kasht ho. Chune par jyaada ho dikkat. Tu kaisa kissa , na mera hissa. Tu ek samasya hai vikat.
Tere sang naa khai koi kasam. Na lagae maine saat phere. Fir bhiu janam bhar kya karne padenge. Mujhe hamesha darshan tere.
Par tera mujhse rishtaa gehra. Teri prasssanta mera chehra. Daal diya tune us par ghera. Aakhir tu pimple jo thehra.
Andhera Udhar naa jaana, wahaan andhiyaara. Bhooto se bhara ye galiyaara. Maathe paseena, na zor jabaan pe. Vaham baj rahaa, zor kaan mein. Soch ke aage rok lag gaya, Chaal mein jaise bojh lad gaya. Ab putliyaan nahi tikti ek jagah pe. Jaan na reh gai haath- paon mein. Saans kyu fooli, tap raha badan. Dil ki dhadkane nahi rahi tham. Jaise baraf mein jam gaya ho man. Baar baar dil pooche sawaal ye, Andhera kyu hota nahi naram. Dil dimaag ab kyu na jawaab de, Koi kahin se awaaz de. Koi kahe cheero andhiyaara. Vaham bhaga do, sara ka saara. Andhere mein jyaada chamke, Halka sa ho jo ujiyara. Andhera na daba sake gar, Tinka bhar ka ho ujiyara. Jitna gehra ho andhera. Utna sundar lage ujiyara. Chupa sakta hai sirf andhera, Mita nahi sakta kisi ko wo Aankho mein parchai la sakta hai, Andha nahi kar sakta kisi ko wo Saamne aa sakta hai andhera, Rok nahi sakta kisi ko wo. Andhere mein chal sake jo, Udh sakta hai wo ujale mein. Dekh sake jo andhere mein, Wo chun sakta hai laakhon mein.
Aankh mein kar de parda andhera. Par kaan pe zor nahi chalta hai. Andhere mein tu apne. Dil ki to sun sakta hai. Andhera ek dwand (fight) hai. Kaali kalpna ka waar hai. Jo nahi dekha kabhi. Wo kaise andhere mein sawaar hai.
Moongfali Waala Baitha sadak kinaare, ya kisi gali, Koi deewar ki aadh(support) lie. Baitha un chatakhti Ediyon(ankles), par bal dekar. Kisi grahak(customer) ki aas lie.
Muskura uthta tha, jab kapde chadh jaate the logo ke. Ek ummedd banke aati thi thandi hawaein mere lie. Daane bechkar, daana paani ka intezaam karna hai. Daane bechne waala hun, bas yahi kaam karna hai.
Lohe se loha takrae, aur jab chan chan rait(sand) chanti jae. Ek mahak aisi aae, jo jebon (pockets) se, haath hatae. Do pal ki baatein ho, ya badi si gupshup. Chit- pat, chit- pat…karte karte. Samay chala jaata jhatpat.
Har insaan se waakif hun, Har harkat ka gawaah hun. Sadak ka bandaa hun. Par hawa ke maafik hun.
Koi paanch rupalli deta hai, koi dus to koi do. Koi muft ki rebri maangta hai. Aur koi kehta hai “bhai loot rahe ho” Par ye daane, har khushi har gham ke saathi hein. Paas hi ki tooti bench ne suni… Naa jaane kitnee kahaani hein.
Shaam hui to , log ghate. Aur chilke, kaagaz ki kheti khile. Aur jhadoo lagaakar Ram Singh bola. Bhaiyya aaj to bade kamaa lie.
Kitno ne suni kahaani humse. Kitno ne kahi kahaani. Aur saalo se yahaan bitha hun… Dekh sun chukka kai kahaani. Log jaante hein, kuch pehchaante hein. Aur kuch udhaari ke bhi hein… Jo sirf dukh baantte hein.
Beete din aur beete saal. Badal gai logo ki chaal. Akhbaar ki pudiya haathon mein.. Ban gayi sharam ki misaal. Ab cola hai, aur packet hai. Ya fir coffee aur biscuit hai. Shayaad mein puraana ho chala hu. Ab coat nahi, Bante jacket hein.
Koi andhere mein se aata hai, Chpchaap ek packet le jaata hai. Aur koi galti se din mein le gaya. Wo badi jeb mein use chupata hai.
Pata nahi mein purana hun, Ya log ho chuke kaafi nae. Sharam kya mera kaam hai, Ya ye daane logo ke lie.
Par jaisa maine bola tha. Ki mein sab dekh raha hun. Ye bhi ek badlaav hai. Jise bas khusi se nahi , gham se samajh raha hu.
Ab choti dukaan ke Chote pakwaan hein. Jo dekh ke bhaa gaya, wahi alisaah hai.
A client(brand) wch literally screwd us. Client was a drink....name is blurred( mein court ke chakkar nahi laga sakta) . It was a tough brief , killed our weekend rest and was a villain in my eyes.
Well this is called a food chain. I nwhich all strange things are happening according to me. I told you ....Subconcious!!!!
And other images you see....are a result of d same.
Chai Waali Aunty
Hamare office ke paas. Ek chai ki dukaan. Baithti hai wahan pe auntie. Shakal se poori shaitaan.
Office the thoda door sahi. Par chai achhi banti wahin. Apne office mein bhi jab bolo , mil jaegi. Par ghar ki murgi, dal hi kahi jaegi.
Chai mein chini kam hui. Maine bola bhai swaad ho gaya ganda. Usne usi chammach se gholi chini. Jisse phainta tha anda. Doosri chai banane ko bola. To tayyar ho gai karne ko danga.
Hisaab ke maamle mein nahi hai wo set. Do teen cheezein jodni ho to, dhoond rahi hoti hai koi naya planet. Bees aur Das Jodne mein, Office se phone aa jaata hai. Aur jaane ki jaldi mein, Aunty ka profit ho jaata hai.
Uska ladka bhi baithe wahan. Uska fuse hai circuit. Jis haath se badan khuje. Us haath se deta biskit. Jaada ho ya garmi. Use hawa se bada pyaar hai. Zip itni khuli rehti hai. Lage jaise wahan cooler fit karne ko tayyar hai.
Uske kuch customer bhi mast hein. Use samjhaate hein saaf safai se kaam kar. Aur batatein hein ye sab. Naak mein ungli daalkar.
Par jo bhi kaho, HAmein uski chai se pyaar hai. BAs bante hui nahi dekh sakte. PAr peene ko tayyar hein.
i hate my college.
I will have an art college of my own. Where masti and education both will be full on. An art college with no HR Department,as i wanna stay. Coz I have seen that HR can make you stray. And Art College thet will not cry for integrity and commitment, and give hopeless response at the time of placements. And art college totally Indian with no foreign baggage. Which will show original photos of students,with their salary package .And art college not giving hopeless food in token, and without its toilet walls broken. And art college where toilets will be cleaned everyday. Not only when some Firangi will come to stay. And art college which will pay fine for it's faults. And will not bring its running cabs on a hault. A college with good student counsellor, who will not shout and still give the answers. A college which will contribute for any kind of feast. And at the time of fee payment, will not turn into a beast. A college giving respect to every old, youth and teen. Which will not have a bitch loitering in the canteen. A college not with 500 students, and 20 computers. will not charge you pounds plus lacs, still provide you with photostat machine and printer. A college which will nurture.Will not play with your future. A college with no fear of disappearing any time. It will be Government recognized, U can call "its mine"
Fake Life.
Kaale Badal dekhkar. kaal ke daas ho gae. Kiran ki aas chooti. to andhere ke paas ho gae. musibaton se band kar li aankhein. fir jisne haath pakda, usi ke hi khaas ho gae.
Jee to rahein hein. Par Jeene ki takat kahan hai. Apni mehfil bhi wahin saje. Jahan baitha saara jahan hai. Dekh kar sabko. Hum bhi muskura lete hein. Kabhi aine mein dekhkar. Khud se batiya lete hein.
Ped se utar gaein. Bheja ghonsle mein hi chod aae. Do Chaaron ke beech mein. Apne pentre bhi aajmaie. Jab kuch na ho saka. To hansi ke saath ho gae. Khud par hansna seek liya. Ab hum bhi kuch khaas ho gae.
Apne liye gumnaam hein. Auro ko lie hum aam hein. Gareebon ki hum aas hein. Badshah hum betaaj hein.
Ab aise hi jeena seekh liya hai. Aise jie ki kuch ho na sakaa. Itne natak kar lie hein. Ki mann bhi apna , raha nahi sagaa.
